عارف انك عاوزة الاحسن
بس الحل بإيدك إنتي مش بإديا .
عارف إنك دايما شافيه حياتك أفضل حاله ، فاكره هيجي اليوم وهساعدك ؟!
يبقى دا حلم ..... ممكن يكمل، ممكن يفضل برضه مجرد حلم واحنا بنحلم ،
بس الحل بايدك انتى مش باديا .
فاكره بكلمه ونظره تخلى حياتك هى حياتي ؟!.
فاكره هفكر الغى امالى لجل امالك ؟!.
فاكره هبدل المك انتى بببهجه وفرح لجل ما اشوف في جفونك لحظه حب ، او في شفايفك يطلع لجلى كلمه حب هاااا ...
برضه دا حلم .
عايشه تشوفى عايشه تحبي .
عايشه فى كل حياتك انتى لجل الحب ، عايشه بحلم ان انتى ملاك وان جمالك مالوا حدود وان دلالاك فوق الحد .
وأما تقولى بحبك انت !
فاكره هصدق.
فاكره هفكر بين كلماتك فين الغش وفين الصدق وفين النور .
برضه دا حلم
خلى فى بالك انتى يوماتى تحبي فى نفسك .
حبك ليا كدبه كبيره لجل تشوفى فى عينى كسورك ، وما تشوفى حياتى حياتك .... راح تسبينى ،،رااااح ترمينى .
عايشه بتخدى ومبتديش ، فاكره الدنيا بتاعتك واحدك ملكك انتى دون الناس ، لا دى بتاعتى لا دا معايا لا دا رميته عطف وشفقه للى ورايا .
عايشه الوهم انى اكون ملكك يوم وتحسي بإنى بتاعك إنتي لواحدك ، واما تحسي بملكك ليه راح ترمينى بدون احساس .
لسه مصره على دى الكدبه ؟! انك فعلا يوم حبيتى وانك دلوك بتحبيني ؟! لسه مصره مقلنا بلااااااش .
طب راح اصدق ، بس ياريت ألمحها فى عينك ، واسمع نبضك ينده باسمى ، وبين اوردتك اشم عبيري وريحه جسمي ، واما افكر وقت من الاوقات ان كلامك كله مجرد كدبه ، راح امشي واسيبك تايهه وجاهله مصيرك فين ولمين هتكونى ومن هيشوفك بعدى جميله .
لسه موافقه على دى الكدبه ؟! ولا عقلتي وتقولى بجد إنك عمرك ما راح تشفونى بعينك إنتي اغلى واطيب قلب ، ما انتى حياتك كلها ليكي عايشه لنفسك ، فاكره إن إنتى ملاك وجمال وعيون غزلان ، وإنك ملكه بتاجها وصيتها تملك كل ملوك الجان ، وان كلامك سيف بتار يقطع رقبه ويشفي الاعمي .
وانك انتى لما تقولى كلمه بعينك راح تشوفي رجال خدام ، وانك تمشي تهزى الارض تحتك انتى .
ياااه لغرور انسانه جميله ، نسيتها روحها ، خلت كل الناس تكرها ، خلت منى حكيم ورزين ف وقت قصير ، خلتنى ايقن ان جمال الجسم دا شىء زوال ، راح تكونى فى يوم كهيله واما تبصى في صورتك مش هتلاقى جمالك ثابت وانك كنتي فى يوم انسانه مليها قباحه لاغيها جمالها .
وما تشوفى مريتك انتى عم بتقولك خلى فى بالك ان الدنيا فيها اميره اجمل منك ، يومها تحسى بإن كلامى كان مصلحتك وانى بجد بدون تخاريف كنت بحبك ، كنت اتمنى تلمى الناس جنبك انتى بس لحالهم روحك طيفهم ، نظرك ساحر ، بس الاجمل كلمه فمك تسحر اكتر ، تملي قلوب الناس بهيامك ، وقتها اقولك مهما كبرتى وصرتى كهيله راح تلقينى طيف حواليكي ملكى انتى بس ياريت اسمعها فى كلمه بزوق ودلال ، وان كلامك يمحى ذنوب مش سيف بتار .
عاوزة نصيحتى ، عاوزة نصيحه قلب حبك لجل الحب ، غيري حالك ، عمر ما كان جمال انسان دا شىء ملعون ، بس الاجمل منه يكون جواه انسان ، يخرج منه الكلمه بريئه يسحر كون ، ويخلى الناس برضاهم يجروا عليه لجل يحبوة .
غيري حااااالك ، شوفى حياااااتك ، واما تحسي كلامى بيوجع اعرفى انى مش بإديا لا دا بقلبي قلته وعدته لجل أشوفك طيف خلاب ، احساس وحنان وجمال انسان
قرري إنتى مصيرك بإيدك وما أشوفك يوم محتاجه معونه راح أكون جنبك ، بس سعتها راح أكون جنبك لجل نصيحه لجل ما اشوف انسانه جميله بس الاجمل انى هساعدك لجل مساعدة دون ما اتتمنى تكونى حياتى يعنى بمعنى هفضل برضه صعب عليكي تكونى معايا وانى حبيبتى اجمل منك واطيب منك ، ومش راح اشوفك يوم فى حياتى ايدك ف ايدي مهما بقيتى ......
عارف انك عاوزة الاحسن ( هااااا ) بس الحل بإيدك إنتى مش بإديا .
